Stjörnurnar í náttfötum á Emmy-verðlaununum
Setja bókamerki
Emmy-verðlaunahátíðin fór fram í Bandaríkjunum í nótt. Í ljósi heimsfaraldursins fór hátíðin fram í netheimum og tóku stjörnurnar við verðlaununum í gegnum fjarfundabúnað. Þar sem stjörnurnar voru flestar hverjar heima í stofu gátu þær nýtt tækifærið og verið í þægilegum náttfötum í stað níðþröngra kjóla og jakkafata.
Leikkonan Jennifer Aniston klæddist svörtum þröngum kjól í upphafi kvöldsins þegar hún opnaði hátíðina með kynninum Jimmy Kimmel. Eftir það fór hún heim og skellti sér þá í gullfallegan bleikan silkináttslopp.
Það var líka kósíkvöld hjá leikaranum Mark Duplass í gærkvöldi en hann birti mynd af sér á náttfötunum. Hann klæddist köflóttum náttfötum en til að vera aðeins fínni fór hann í jakkafatajakka að ofan.
Handmaid's Tale-leikkonan Samira Wiley nýtti tækifærið og klæddist sínum bestu náttfötum. Hún var í einstaklega lekkerum hvítum silkináttfötum með sebramynstri. Við náttfötin var hún með fallegt demantsarmband, hring og eyrnalokka.
Marvelous Mrs. Maisel-stjarnan Rachel Brosnahan var í fjólubláum, bleikum og bláum náttfötum og með fallegt skart við.
Leikkonan Gabrielle Union og eiginmaður hennar Dwayne Wade tóku kósí-þemað alla leið og voru einfaldlega á stórum þykkum náttsloppum. Union var einnig með sturtuhettu á höfðinu.
Leikkonan Jameela Jamil klæddist svokölluðum heimagalla. Hún birti mynd af sér í hvítum samfestingi í notalegri peysu utan yfir. „Enginn brjóstahaldari? Engir hælar? EKKI VANDAMÁLIÐ,“ skrifaði Jamil undir myndina af sér.
Tveir í bílnum sem lenti utan vegar
Krefjast stöðvunar framkvæmda
Veiting hvalveiðileyfis ekki brot á EES-samningi
Shakespeare fannst í skókassa
Gígbarmurinn hækkað frá því í gær
Skemmtiferðaskip hætt komið nærri Viðey
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál