La Semaine Paris er vandað tískuhús fyrir hugsandi konur. Á samfélagsmiðlum má sjá hvernig mörkin á milli tísku og sterkra hugsjóna eru að afmást og hvernig hægt er að ná til kvenna um víða veröld með viðeigandi skilaboðum.
Að mati La Semaine Paris eru sterkar konur til út um allan heim. Þetta eru konur sem hafa tileinkað sér eftirfarandi átta hluti:
Þær standa með sér
Sterkar konur eru óhræddar við að segja skoðun sína og þegar þær mæta mótlæti eða óvægni sitja þær ekki undir slíku heldur verja sig.
Þær fjárfesta í sér
Sterkar konur eru fúsar að læra nýja hluti. Þær vilja tileinka sér heilbrigðan lífsstíl og eru óhræddar við að stíga út fyrir þægindarammann. Enda vita þær að það borgar sig að fjárfesta í auknum þroska.
Þær eru með heilbrigð mörk
Þegar sterkar konur taka ákvarðanir um að gera eitthvað spyrja þær sig fyrst hvort þær hafi áhuga á því og síðan hvort þær eigi tíma aflögu. Þær segja vanalega já við því sem er þroskandi fyrir þær og nei við því sem gerir lítið úr þeim.
Þær standa með öðrum konum
Sterkar konur halda með öðrum konum. Þær veita því athygli sem aðrar konur gera vel og eru duglegar að tala um það við aðra.
Þær vita virði sitt
Sterkar konur vita að þær hafa alltaf eitthvað fram að færa þótt þeim líði ekki alltaf eins og þær séu fallegar, klárar eða áhugaverðar. Ef þær lenda í aðstæðum þar sem reynt er að gera lítið úr virði þeirra láta þær vita af því og koma sér í burtu við fyrsta tækifæri.
Þær baða sig ekki upp úr áliti annarra á þeim
Þótt neikvæðni hafi áhrif á sterkar konur leggja þær sig fram um að láta neikvætt fólk ekki hafa áhrif á sig. Þær minna sig stöðugt á markmið sín og þá staðreynd að neikvætt fólk hefur ekkert með þær að gera.
Þær eru sjálfsöruggar
Flestar sterkar konur vita hverjar þær eru og haga sér í samræmi við gildi sín. Þær gera það sem þær segja og þær leggja sig meira fram um að þóknast sjálfum sér en að láta öðru fólki líka við sig.
Þær ákveða að vera sterkar
Sterkar konur hafa upplifað ótta, kvíða, óöruggi og alls konar tilfinningar sem geta fellt þær. Þær ákveða þó að láta þessar tilfinningar ekki hafa áhrif á sig og leyfa öðru fólki ekki að brjóta sig niður.