Veturinn nálgast óðum og með samtökutakmörkunum langar marga að vera undir teppi alla daga. Leikkonan Sarah Jessica Parker tók löngun sína skrefinu lengra á dögunum og klæddist kjól sem virtist einna helst líta út eins og teppi.
Sarah Jessica Parker er alltaf með puttana á púlsinum þegar kemur að tísku eins og hliðarsjálfið hennar Carrie Bradshaw. Ef Parker gefur grænt ljós á að klæða sig í kjól sem minnir á teppi þá er það leyfilegt.
Leikkonan var í kjól frá Hanifa. Kjóllinn er sagður vera peysukjóll á heimasíðu Hanifa en ætti auðvitað að heita teppakjóll. Kjóllinn er tekinn saman í mittið og hentar því flestum líkamsgerðum. Parker klæddist bleikum hælum við kjólinn og allt í einu leit hún út fyrir að vera á leiðinni í ball í teppi.