Fyrirsætan Heidi Klum er stundum kölluð drottning hrekkjavökunnar. Hrekkjavakan fer fram núna um helgina, hinn 31. október, og því tími til kominn að rifja upp búninga Klum frá síðustu árum.
Klum fer alltaf alla leið í búningavali og eyðir mörgum klukkustundum í að skipuleggja búninginn sinn og fara í hann. Í fyrra tók það hana 12 tíma að komast í búninginn.
Það er ekki útlit fyrir að stór hrekkjavökupartí verði haldin um helgina vegna heimsfaraldursins en það er þó aldrei að vita hvort drottningin sjálf klæði sig upp í tilefni dagsins. Hún hefur ekki gefið neitt út um það.
Í fyrra var Klum hryllilegt skrímsli en í það skiptið sótti hún innblástur í bókina Frankenstein. Árið 2019 sótti hún innblástur í Disney-ævintýrið Shrek.