Jólin eru að koma hjá undirfataframleiðandanum Victoria's Secret með tilheyrandi hátíðarherferð. Fyrirtækið, sem hefur verið gagnrýnt fyrir að sýna einhæfa mynd af fólki á tískusýningum sínum, reyndi að tikka í öll boxin í jólaherferðinni. Englagangan vinsæla fór ekki fram í fyrra og í ár eftir háværar gagnrýnisraddir árið 2018.
Í jólaherferðinni má sjá transfyrirsætuna Valentinu Sampaio sem hefur setið fyrir hjá merkinu að undanförnu. Einnig má sjá dönsku ofurfyrirsætuna Helenu Christensen sem er orðin 51 árs, sem þykir nokkuð hár aldur í fyrirsætubransanum. Hin fimmtuga Daniela Perstova situr einnig fyrir í herferðinni.
Fyrirsæturnar Candice Huffin og Devyn Garcia eru einnig áberandi en þær eru svokallaðar fyrirsætur í yfirstærð. Vaxtarlag þeirra líkist vaxtarlagi margra kvenna frekar en vaxtarlag þeirra Candice Swanepoel og Söru Sampaio sem einnig sitja fyrir í jólaherferðinni.
Rauð og svört nærföt, silkisloppar og náttföt verða í tísku um jólin eins og sjá má hér að neðan.