Tónlistarkonan Jennifer Lopez stal senunni á rauða dreglinum á Amercian Music-verðlaunahátíðinni sem haldin var í gærkvöldi. Lopez klæddist silfurpilsi og toppi í stíl frá merkinu Balmain.
Förðun og hár Lopez fær líka hæstu einkunn en hún var með svokallað „wet look“ sem hármeistarinn Chris Appleton töfraði fram.
Leikkonan Megan Fox og nýi kærastinn hennar Machine Gun Kelly mættu saman á rauða dregilinn í fyrsta skipti í gær. Fox klæddist gullfallegum grænum kjól frá Azzi & Osta.
Cara Delevingne lét sig heldur ekki vanta. Hún var líka klædd í silfur. Delevingne var í silfurglimmerbuxnadragt frá Dolce & Gabbana.