Kardashian á „fjórða andlitinu“

Það er ótrúlegt að fylgjast með breytingum á stjörnunum í Hollywood í gegnum árin. Ein þeirra sem líta alls ekki út eins og þær gerðu áður er Khloé Kardashian. 

Ef litið er á það sem er skrifað við myndirnar hennar má sjá að fylgjendur hennar halda því fram að hún sé greinilega á „fjórða andlitinu“ sínu. Eða að taka fótósjopp á næsta stig.

Af myndunum að dæma er mestur munur á neðri hluta andlitsins. Hún hefur sjálfsagt farið í kjálkaaðgerð og nefið er ekki það sama á myndunum. Kinnbeinin hafa hækkað og augabrúnirnar einnig.

Hún er líklegast að fara í botox og svo má gera ráð fyrir að hún noti alls konar meðferðir til að viðhalda raka húðarinnar í gegnum árin. 

Eins getur verið að hún sé grennri á myndinni sem er nýrri. Fljótt á litið er þetta ekki eins og sama manneskjan, sem gefur til kynna að nær hver sem er geti fengið nýtt ómótstæðilegt útlit með aðstoð lýtalækna í borg englanna ef þeir hafa efni á því.