Varaliturinn setur oftar en ekki punktinn yfir i-ið í förðuninni. Liturinn Blessing star í Stellar Halo Shine-línunni frá Dior er svo sannarlega stjarnan á jólatrénu þetta árið. Liturinn er fallega brúnn með ferskjulitum undirtón og fallegum glans. Varalitirnir í þessari línu eru einstaklega mjúkir og góðir án þess þó að fara út um allt. Þeir endast líka ágætlega. Þeir eru mjög þægilegir á vörunum og þótt það sé smá glimmer í þeim finnur maður ekkert fyrir því. Lyktin er líka unaðsleg og minnir á nýbakaðar vanillukökur.