Leikkonan Ana de Armas er búin að fara í klippingu síðan leiðir hennar og leikarans Bens Afflecks skildi. Greint var frá því í vikunni að þau hefðu bundið enda á samband sitt í byrjun árs.
Hin 32 ára gamla leikkona mætti í viðtal á sunnudag þar sem hún skartaði stuttu dökku hári. De Armas var áður með hár í axlasídd með brúnum strípum í.
Parið hafði verið saman í tæpt ár en þau sáust fyrst saman í mars á síðasta ári. Leiðir þeirra skildi því þau voru ekki á sömu blaðsíðu um framtíðina. Hún var sögð vilja stofna fjölskyldu með honum en hann var ekki á þeim buxunum að eignast fleiri börn.