Notaði óvart samfesting sem blússu í fjögur ár

Madison í flíkinni sem blússu og sem samfesting nokkrum árum …
Madison í flíkinni sem blússu og sem samfesting nokkrum árum síðar. Samsett mynd

Það er eitt að snúa peysu eða bol vitlaust en allt annað að nota samfesting sem blússu. Hin bandaríska Madison gerði það í heil fjögur ár. Madison greindi frá þessu á TikTok og birti myndir með til staðfestingar. Játning hennar hefur farið eins og eldur í sinu um netheima.

Saga Madison er lygileg en að hennar sögn svo fáránleg að hún hefði aldrei getað skáldað hana. Það reyndist henni alltaf pínu erfitt að klæða sig í flíkina þar sem hún notaði bara aðra skálmina. Hin hékk til hliðar. 

„Ég er búin að eiga þennan samfesting í yfir fjögur ár og ég er bara núna að átta mig á að þetta er ekki toppur, þetta er samfestingur,“ skrifaði Madison. 

Hún birti mynd af sér síðan á jólunum 2017 í samfestingnum en flíkin leit frekar út eins og síð blússa en samfestingur. Hún birti einnig mynd af sér þegar hún fattaði hvaða snið væri á flíkinni. 


 

mbl.is