Tískumerkið Shein er sagt hafa tekið rifnar gallabuxur í nýjar hæðir. Gallabuxur sem eru í sölu í netverslun merkisins hafa vakið mikla athygli enda virðist einna helst vanta efra framstykkið á buxurnar. 

Buxurnar, sem kosta 25 bandaríkjadali eða rúmlega 3.200 krónur, virðast nokkuð venjulegar þegar horft er á þær að aftan. Að framan fá nærbuxurnar hins vegar að skína ef sá sem klæðist buxunum er í nærbuxum á annað borð. Á buxurnar vantar rennilás en skálmarnar þó saumaðar saman. 

Gallabuxurnar hafa vakið mikla athygli á netinu og er athyglin helst neikvæð. Netverjar furða sig á af hverju í ósköpunum það vantar efnisbút á þessu svæði og hvort það sé eftirsótt að sýna nærbuxur á þennan hátt. Dæmi hver fyrir sig.

Gallabuxurnar virðast ósköp venjulegar aftan frá. Ljósmynd/Shein

Vantar bút á þessar gallabuxur? Ljósmynd/Shein

Tengdar fréttir

Fatastíllinn

Milla Ósk og Pattra klæddust eins kjólum

• 10 hugmyndir að sumargjöfum frá þér til þín
• Laufey stórglæsileg á síðum Vogue
• Eliza Reid keypti notaðan jakka í opinberri heimsókn
• Bjarkey á tvær eins skyrtur í sitthvorum litnum

» Fleiri tengdar fréttir

• Blogga um frétt