Anna Fríða Gísladóttir, markaðsstjóri stafrænna miðla hjá BIOEFFECT, hugsar sérlega vel um húðina. Hún segir að heimavinnan á síðasta ári hafi gefið meira rými til þess að setja á sig maska.
Hefur húðrútína þín eitthvað breyst í veirunni?
„Nei í rauninni ekki. Ég hef alltaf lagt upp með að hugsa vel um húðina en aukin heimavinna kallar á fleiri tækifæri til að setja á sig maska og dekra extra við sig.“
Hvernig hugsar þú um húðina?
„Ég passa að þrífa hana alltaf tvisvar sinnum á hverjum degi og veita henni góðan raka hvort sem það er með EGF-seruminu frá BIOEFFECT eða nýja Hydrating Cream frá BIOEFFECT. Ég skrúbba hana tvisvar í viku með Volcanic Exfoliator og nota Imprinting Hydrogel-maskann frá BIOEFFECT einu sinni til tvisvar í viku til að fá auka rakaskot í húðina.“
Hvað finnst þér skipta mestu máli þegar húðin er annars vegar?
„Það skiptir mig miklu máli að vörurnar sem ég nota séu hreinar og innihaldi fá innihaldsefni en virki í raun og veru. Síðan reyni ég að passa að snerta á mér andlitið sem minnst í dagsins amstri. En það á oft til að gleymast.“
Hvað gerir þú til að bústa upp húðina?
„Fjórum sinnum á ári tek ég 30 day treatment-húðkúrinn, en það hefur engin vara virkað jafn vel á mig eins og hún og eftir að ég byrjaði þá skil ég hype-ið vel!“
Hvernig farðar þú þig daglega?
„Það fer eftir skapi og fatavali hvernig ég farða mig, hvort sem það áhersla á augu eða varir en ég legg þó alltaf áherslu á að leyfa húðinni að njóta sín og þá finnst mér best að nota Shiseido synchro skin.“
Hvað er að finna í snyrtibuddunni þinni?
„Shiseido synchro skin, Charlotte Tilbury-púður, Anastasia BH browfreeze, Fenty beauty highlighter og Supergoop!-sólarvörn.“
Hver er mikilvægasta snyrtivaran þín?
„Augnhárabrettari.“
Hvað myndir þú aldrei setja á húðina?
„Kókosolíu.“