Katrín Jakobsdóttir forsætisráðherra og Sævar Helgi Bragason, stundum kallaður Stjörnu-Sævar, mættu fyrir tilviljun í eins fötum í dag. Sævar birti skemmtilega mynd af þeim saman á Twitter.
Bæði voru þau í vínrauðri peysu og í ljósblárri skyrtu innan undir. Peysa Katrínar er hneppt með hvítum tölum og er frá Geysi. Sævar er í bláum buxum en Katrín í svörtu pilsi og sokkabuxum.
Sævar lét ekki fylgja með hvers vegna hann var á fundi forsætisráðherra í dag en hann vinnur að dagskrárgerð á RÚV og hefur meðal annars komið að þáttunum Hvað getum við gert? sem sýndir eru um þessar mundir á RÚV.