Harry Styles slær sjaldan feilnótu þegar kemur að klæðaburði. Hann klæðist alla jafnan fötum eftir Alessandro Michele aðalhönnuð Gucci. Á Grammy-verðlaunahátíðinni vakti Styles sérstaka athygli fyrir gulan jakka sem minnti mjög á jakka Cher Horowitz úr kvikmyndinni Clueless sem sló svo eftirminnilega í gegn árið 1995.
Alicia Silverstone aðalleikkona Clueless tekur undir þessar getgátur. „Ég elska þessa Clueless-strauma hjá Harry Styles!!“ segir hún á Twitter.