Tónlistarkonan Billie Eilish hefur lengi skartað svörtu og grænu hári sem hefur verið eins konar einkennismerki hennar undan farin ár. Í vikunni kom hún aðdáendum sínum á óvart þegar hún sýndi að hún hafði látið grænu lokkana fjúka.
Eilish hefur prófað sig áfram með alls konar hárliti í gegnum árin en áður en hún var með grænt hár var hún með blátt og þar á undan prófaði hún sig áfram með pastelliti. Það má því með sanni segja að að aðdáendur hennar hafi verið hissa þegar hún sýndi fallega ljósa lokka á Instagram.
„Klípið mig,“ skrifaði Eilish undir myndina og á eflaust við að hárliturinn líti betur út en hún þorði að vona.