Keppendur í Söngvakeppni evrópskra sjónvarpsstöðva í Rotterdam klæddu sig upp í gær, sunnudag, og mættu á rauða dregilinn sem var að vísu grænblár. Íslensku keppendurnir voru víðsfjarri vegna smits sem kom upp hjá íslenska hópnum um helgina. 

Í gær fór fram kynningarkvöld keppninnar. Ísland mætti ekki til leiks né Pólland, Rúmenía og Malta. Þrátt fyrir að grænu gallarnir sem Daði og Gagnamagnið er vant að klæðast voru litrík og skemmtileg föt áberandi. 

Norski keppandinn Andreas Andresen Haukeland eða Tix mætti í hvítum loðfeld, með sólgleraugu og gullkeðjur. Rauði kjóllinn sem Anxhela Peristeri frá Albaníu klæddist fór ekki fram hjá neinum á kvöldinu. Hin króatíska Albina var einnig afar áberandi í glansgalla og dúnúlpu.