Brúðarkjóll tónlistarkonunna Ariönu Grande var hannaður í anda kvikmyndastjörnunnar Audrey Hepburn. Grande gekk að eiga Dalton Gomez þann 15. maí síðastliðinn og deildi í vikunni myndum úr brúðkaupinu.
Brúðkaupið var haldið á heimili Grande í Montecito í Kaliforníu og fengu aðeins útvaldir boð í veisluna.
Kjóll Grande er eftir tískuhönnuðunn Veru Wang. Hún valdi hvítt silki í kjólinn, með opnu baki. Til að segja punktinn yfir i-ið var hún með einstaklega fallegt slör með satín slaufu. Slörið var hannað með innblástri frá Jo Stockton í Funny Face.
Hún var með perlu og demants eyrnalokka eftir Lorraine Schwartz í stíl við trúlofunarhringinn. Gomez hannaði svo giftingahringinn sjálfur.
Brúðguminn klæddist klassískum jakkafötum frá Tom Ford.