Boris Johnson forsætisráðherra Bretlands gekk að eiga unnustu sína, Carrie Symonds, á laugardaginn. Brúðarkjóllinn seldist upp um leið en Symonds, sem nú hefur tekið upp eftirnafnið Johnson, leigði sinn kjól. 

Fram kemur vef BBC að kjóllinn sé frá hönnuðinum Christos Costarellos. Costarellos fæddist í Þýskalandi en starfar í Grikklandi þar sem hann lærði fatahönnun. Hann lærði einnig hönnun í London College of Fashion. Hann sækir innblástur í grískan menningarheim og ber brúðarkjóll frú Johnson þess merki. 

Kjóllinn sem var til sölu á Net-a-Porter seldist upp eftir brúðkaupið um helgina að því er fram kemur á vef Daily Mail. Hann kostaði 2.870 pund eða tæpa hálfa milljón íslenskra króna. Frú Johnson borgaði þó ekki svo mikið þar sem hún er sögð hafa leigt kjólinn á 45 pund eða innan við átta þúsund krónur. Það gerði hún í gegnum MyWardrobeHQ sem er tískuleigumiðlun.

Carrie og Boris Johnson voru glæsileg á brúðkaupsdaginn. AFP PHOTO / 10 DOWNING STREET / REBECCA FULTON

Kjóll Carrie Johson hefur vakið mikla athygli. AFP PHOTO / 10 DOWNING STREET / REBECCA FULTON

Tengdar fréttir

Brúðkaup

Ekki skila gæsinni áfengisdauðri heim eða steggnum heim í gifsi!

• Hvað er hægt að gefa „hressa parinu“ í brúðkaupsgjöf?
• Giftu sig í kastala í Elton John-brúðkaupi
• „Þetta var einn besti dagur lífs okkar“
• Hannaði og smíðaði giftingarhringana og brúðarskartið sjálf

» Fleiri tengdar fréttir

• Blogga um frétt