Fyrrverandi Bond-stúlkan Britt Ekland segir að varafyllingar sem hún fékk sér hafi eyðilagt andlit sitt. Sænska leikkonan er 78 ára og lék í Bond-myndinni The Man with the Golden Gun sem kom út árið 1974. Hún segir varafyllingarnar stærstu mistök lífs síns. 

„Allir hafa rétt á því að velja,“ sagði Ekland í viðtali við tímaritið Platinum að því er fram kemur á vef Daily Mail um fegrunaraðgerðir. „Ég fór í þær allar á sextugsaldri og myndi ekki gera það aftur. Ég hef ekki áhuga á að líta öðruvísi út en ég geri í dag.“

Leikkonan fór á sínum tíma til læknis í París eftir ráðgjöf í Lundúnum. Hún fékk töluvert sterkari efni en hún bjóst við en henni var sagt að um nýtt efni væri að ræða. Í dag er efnið talið hættulegt og ekki notað en var vinsælt á á tíunda áratug síðustu aldar. Til að mynda var efnið aldrei leyfilegt í Bandaríkjunum. „Áhrifin eru varanleg. Fæstir læknar í dag nota það,“ sagði sérfræðingur á vef Daily Mail. 

Ekland hefur reynt að draga úr áhrifunum. „Mér líður vel núna, betur en mér hefur liðið í mörg ár ... það eldast allir,“ sagði Ekland og sér ekki tilgang með því að eldast. „Við förum öll í sömu átt og það er ekkert sem við getum gert í því ... þetta snýst bara um að hugsa vel um sig á því ferðalagi.“

Tengdar fréttir

Snyrtibuddan

10 hugmyndir að sumargjöfum frá þér til þín

• „Ég er alltaf með neglur á mér og hef verið síðan í 10. bekk“
• Pernille Teisbæk uppljóstrar leyndarmálinu
• 10 hlutir sem eru ómissandi fyrir árshátíðina
• Svona gerir þú rodeó-förðun í anda Bellu Hadid

» Fleiri tengdar fréttir

Fegrunaraðgerðir

Bótox-sprautur bæta ekki sálarháska fólks

• „Ég vil ekki sofa hjá neinum“
• Neitar því að hafa farið í fegrunaraðgerðir
• Sér eftir fyllingarefnum sem hún fékk sér ung
• Gyða lét fjarlægja brjóstapúðana og öðlaðist nýtt líf

» Fleiri tengdar fréttir

• Blogga um frétt