Nýi Valentino-ilmurinn, Born in Rome yellow dream, kemur með vorið inn í líf fólks. Hann dregur fram nýja orku og ilmar af jákvæðni. Róm er þekkt fyrir sína einstöku gylltu sólarupprás sem umvefur borgina á hverjum morgni. Rétt eins og rómanska sólarupprásin gefur Yellow Dream þér tækifæri til að setja jákvæðni og bjartsýni í forgrunn. Í ilminum má finna orkugefandi ítalska sítrónu, ljómandi rósaþykkni og nútímalegt hvítt musk. Í ilminum eru líka mandarínur, ananasþykkni, ávanabindandi engifer, vanilla og sedrusviður. Vegna veirunnar er fólk ekki mikið á ferðinni en það er vel hægt að komast hálfa leið til Rómar með þessum ilmi.