Fjölskyldufyrirtækið Bpro sem stofnað var af þeim hjónum Baldri Rafni Gylfasyni og Sigrúnu Bender var með litakvöld fyrir fagfólk nýverið í heildsversluninni við Smiðsbúð 2. Litakvöldið var á vegum Davines og mættu þrír sérfræðingar í hárbransanum og sýndu listir sínar. Það voru þær Harpa Ómarsdóttir eigandi Blondie, Sara Anita Scime á Kompaníinu og Karlotta Margrétardóttir á Ónix.
Þær sýndu fullum sal af fagfólki heitustu hártrendin með hárlitunum og lita-næringunum frá Davines. Ef marka má það sem sýnt var ættu flestir að finna eitthvað við sitt hæfi frá Davines í sumar.
Það sem vakti athygli var meðal annars bleikt hár í anda kvikmyndaleikkonunnar Marilyn Monroe. Klassískt náttúrulegt hár eins og hefur verið vinsælt að undanförnu og í raun alls konar litir. Sjón er sögu ríkari.