Aftur til fortíðar með Chanel

Franska tískumerkið Chanel sýndi haust- og vetrarhátískulínu sína fyrir veturinn 2021 til 2022 í síðustu viku í París. Málverk vöknuðu til lífsins í Palais Galliera en Virginie Viard, listrænn stjórnandi Chanel, varð fyrir áhrifum frá verkum impressjónista í lok 19. aldar þegar hún hannaði fötin. 

Þegar fötin eru skoðuð nánar má koma auga á smáatriði á borð við pensilstrokur eða jafnvel vatnaliljur Manets. Kápur, kjólar, pils og jakkar með blómamynstri og bróderuðum blómum. Dragsíð og mikil pils vöktu athygli. Ullarkápur og jakkar eru málið fyrir þá sem ætla klæðast í stíl Chanel næsta vetur. 

Hollywoodstjarnan Margaret Qualley lokaði tískusýningunni í hvítum og klassískum síðerma brúðarkjól. Leikkonan var með lítið og fallegt slör og hélt á rauðum rósum.