Gráhærðar skvísur slá í gegn á rauða dreglinum

Fyrir ekki svo margt löngu var konum kennt að forðast það að skarta gráum lokkum sínum. En eins og stjörnurnar í Cannes sýndu á dögunum er fátt fallegra en gráir lokkar.

Leikkonurnar Andie MacDowell, Helen Mirren og Jodie Foster sýndu það með skýrum hætti á rauða dreglinum í Cannes að gráir lokkar eru ekkert til að skammast sín fyrir, þvert á móti ætti að fagna þeim. 

Leikkonurnar Sarah Jessica Parker og Cynthia Nixon, sem nú eru við tökur á endurkomuseríu af Sex and the City, hafa heldur ekki verið feimnar við að sýna sitt gráa hár við tökur á þáttunum. Nýlega birti Nixon mynd af þeim stöllum sem hefur notið mikillar hylli og þeim hrósað fyrir gráa hárið sitt.