Í neti og nærbuxnapjötlu

Rapparinn Megan Thee Stallion mætti léttklædd þegar sundfatatímarit Sports Illustrated var kynnt í Flórída á laugardaginn. Stallion er óhrædd við að sýna línurnar og fékk allur líkaminn að njóta sín í kjólnum sem huldi nánast ekkert. 

Hinn dramatíska kjól hannaði bandaríski fatahönnuðurinn Natalia Fedner. Kjóllinn er nánast eins og einn stór skartgripur. Klauf fær nýja merkingu í höndum Fedner en segja má að klaufin nái upp að mjöðmum auk þess sem lítið sem ekkert hylur rassinn. 

Fedner lýsti kjólnum á instagramsíðu sinni og sagði hann sérhannaðan á Stallion. Hann var ofinn úr rúmlega 500 metrum af efni. Fedner notar sérstaka tækni til að gera kjólinn og er ekkert klippt í sundur og saumað, aðeins ofið. Mikið af silfri og kristöllum frá Swarovski var notað við gerð kjólsins. 

Megan Thee Stallion í kjólnum góða.

Stallion fagnaði því að hún er fyrsti kvenkyns rapparinn sem prýðir sundfataútgáfu Sports Illustrated. 

• Blogga um frétt