Leikkonan Jena Malone lætur ekki minniháttar áföll eins og támeiðsl halda aftur af sér í lífinu. Malone mætti á frumsýningu á kvikmynd sinni Lorelei í rauðum Crocs-skóm þar sem hún gat ekki verið í hefðbundum hælaskóm vegna meiðsla.
Malone fór heldur ekki í felur með það, þrátt fyrir að vera í síðum svörtum kjól sem földu skóna algjörlega. Hún lyfti heldur pilsi sínu upp og sýndi skóna stolt. Þá skrifaði hún einnig um skóna í færslu á Instagram.
„Ég veit ekki af hverju, en ég verð hamingjusöm að sjá þessa mynd. Ég rak litlu tána í fyrir rauða degilinn og gat varla gengið. Þannig að ég skipti bara um stíl. Og ég held það hafi borgað sig,“ skrifaði Malone við myndina.
Þetta er ekki í fyrsta skipti sem Crocs-skór koma við sögu á rauðum dregli. Til dæmis var tónlistarstjórinn Questlove í gylltum Crocs-skóm á rauða dreglinum fyrir Óskarsverðlaunahátíðina í vor. Vinsældir Crocs hafa aukist í heimsfaraldrinum og jókst sala þeirra um 64% á fyrsta ársfjórðungi 2021 frá sama tímabili á síðasta ári.