Leikkonan Kristen Stewart klæðist kjól frá Chanel Haute Couture í kvikmyndinni Spencer sem fjallar um Díönu prinsessu af Wales. Mikið var lagt í kjólinn og tók yfir þúsund klukkustundir að sauma hann.
Kjóllinn prýðir fyrsta plakatið sem gefið var út fyrir kvikmyndina í síðustu viku. Samkvæmt umfjöllun Vogue Paris endurgerði Chanel kjól úr vor- og sumarlínu frá árinu 1988.
Um er að ræða hvítan kvöldkjól án hlýra, með slaufu um mittið. Demantssteinar skreyta kjólinn og fóru 700 klukkustundir í að sauma steinana á kjólinn.
Kjóllinn sést líka í fyrstu stiklunni fyrir kvikmyndina, þar sem Stewart sést hlaupa niður langan stiga.