Boris Johnson, forsætisráðherra Bretlands, er búinn í klippingu fyrir haustið. Johnson hefur verið þekktur fyrir sitt tætingslega ljósa hár en hefur nú gert bragarbót á.
Johnson frumsýndi hárið í umræðum í breska þinginu í dag þar sem hann upplýsti þingmenn um aðgerðir Breta í Afganistan og fleiri málefni.
Hár Johnsons hefur oft verið til umfjöllunar í breskum miðlum og breska þjóðin oft látið í ljós ónægju sína með að forsætisráðherrann greiddi sjaldan hár sitt og færi enn sjaldnar í klippingu.