Varð óvart appelsínugul eftir brúnkuslys

Tónlistarkonan Selena Gomez mælir með að fara varlega þegar brúnkukrem eða aðrar svipaðar vörur eru annars vegar. Gomez rifjaði nýlega upp atvik þegar hún mætti með aðeins of mikið brúnkukrem á MET Gala-viðburðinn árið 2018. 

Gomez klæddist fallegum hvítum kjól. Í klippu á vef Vogue segir hún frá því hvernig það hafi verið ákveðið að bera á hana brúnkukrem rétt fyrir viðburðinn. Í fyrstu leit Gomez vel út og virtist áferðin vera jöfn og falleg. Þegar líða fór á kvöldið varð hins vegar Gomez dekkri og dekkri. Appelsínugul eins og hún orðar það. 

Frétt af mbl.is

Svona ber Sunneva á sig brúnkukrem

„Ég skoða mynd af mér þegar ég sest niður og ég er alveg appelsínugul,“ segir hún og hlær núna þremur árum seinna. Gomez sá fyrir sér hversu illa þetta ætti eftir að fara og hún ætti eftir að finna fyrir því á netinu. Fyrstu viðbrögð Gomez voru að hlaupa í burtu. „Svo ég fékk öryggisverðina mína til þess að taka af mér myndskeið af því fyrstu viðbrögðin mín voru að koma mér í burtu,“ sagði Gomez. Í kjölfarið birti hún myndskeið af sér hlaupa í átt að bílnum sínum á Instagram og skrifaði: „Ég þegar ég sá myndirnar af mér á Met“.“

Hér fyrir neðan má sjá Gomez segja söguna auk þess sem hún fer yfir það hvernig hún farðar sig. 

• Blogga um frétt