Leikkonan Megan Fox faldi ekki neitt þegar hún mætti á MTV-verðlaunahátíð um helgina. Segja má að Fox hafi mætt næstum því nakin á hátíðina en hún var í lítilli nærbuxnapjötlu sem huldi hennar allra heilagasta undir gegnsæjum kjól. 

Sérsaumaði kjóllinn var hannaður af hinum franska Thierry Mugler. Glitrandi saumar á kjólnum voru fallegir en í stað þess að fela nærfatnað stjörnunnar eins og oft er gert voru nærbuxurnar áberandi. G-strengurinn sem Fox klæddist vakti mikla athygli og þegar hún sneri sér við blasti brókin við. 

Eins og sjá má á myndum frá verðlaunahátíðinni leið Fox afar vel með kærastanum Machine Gun Kelly á rauða dreglinum.