Hvað kom fyrir andlitið á Tom Cruise?

Tom Cruise á hafnaboltaleik á dögunum og Tom Cruise á …
Tom Cruise á hafnaboltaleik á dögunum og Tom Cruise á tökustað Imisson Impossible í fyrra. Samsett mynd

Aðdáendur leikarans Toms Cruise velta því fyrir sér hvað hafi eiginlega komið fyrir andlitið á honum. Leikarinn knái sást með syni sínum á hafnaboltaleik á dögunum en andlit hans þótti hafa breyst töluvert frá því sem kvikmyndaáhorfendur eru vanir. 

Á vef The Sun eru teknar saman helstu kenningar af samfélagsmiðlum. Sumir telja að Cruise hafi farið í fegrunaraðgerð og sé með fyllingarefni í kinnunum. Aðrir halda því hreinlega fram að kvikmyndastjarnan hafi bætt aðeins á sig. 

Einnig er fjallað um breytt útlit á vef Page Six. Þar fá sömu raddir að heyrast og á vef The Sun. Aðrir benda þó á að það sé óþarfi að vera með neikvæð ummæli þegar einhver bæti á sig, Cruise hafi orðið fyrir líkamssmánun. 

Málið er einnig tekið fyrir á vef Daily Mail. Þar á bæ eru menn hrifnastir af þeim kenningum að Cruise hafi fengið sér fyllingar í andlitið. 

Hér fyrir neðan má sjá myndskeið og myndir sem birtust af Cruise á Twitter eftir leikinn. 



mbl.is