Óþekkjanlegar stjörnur á hrekkjavökunni

Hrekkjavakan er haldin hátíðleg víða um heim á sunnudaginn. Stjörnurnar í Hollywood eru þekktar fyrir að leggja mikinn metnað í búningana. Sumar stjörnur einbeita sér að hryllilegum búningum á meðan aðrar klæða sig upp í hefðbundna grímubúninga. Hér má sjá marga af bestu búningum síðustu ára. 

Drottning hrekkjavökunnar er þýska fyrirsætan Heidi Klum. Í mörg ár hefur hún haldið hrekkjavökupartí og ávallt toppað sjálfa sig. Hún hélt ekki partí í fyrra vegna kórónuveirunnar og mun ekki gera það í ár heldur. Hún mun þó örugglega klæða sig upp í tilefni veislunnar.

Heidi Klum og Tom Kaulitz sem persónur í Shrek. AFP

Heidi Klum breytti sér í gamla konu fyrir hrekkjavökuhátíðina. Ljósmynd/instagram/heidiklum

Eins og sjá má hér að neðan hafa fleiri en Klum átt góða spretti á hrekkjavökunni

Fyrirsætan Gigi Hadid fór í gervi Stanley Ipkiss úr kvikmyndinni The Mask árið 2019. 

Raunveruleikastjarnan Kim Kardashian var Elle Woods úr Legally Blonde árið 2019. 

Söngkonan Katy Perry klæddi sig upp sem Hillary Clinton árið 2016. 

Fyrirsætan Bella Hadid og tónlistarmaðurinn The Weeknd voru Betelgeuse og Lydia úr myndinni Beetlejuice eftir Tim Burtons árið 2018. 

Stjörnurnar Joe Jonas og Sophie Turner voru Gomez og Morticia Addams úr Addams-fjölskyldunni árið 2018. 

Árið 2019 var leikkonan Jessica Biel eiginmaður sinn, tónlistarmaðurinn Justin Timberlake, á hrekkjavökunni. Timberlake gegndi hins vegar hlutverki hljóðnema. 

• Blogga um frétt