Vilhjálmur Bretaprins og Katrín hertogaynja voru í stíl þegar þau mættu bæði í bláum fötum í hátíðlega veislu á lofts­lags­ráðstefnu Sam­einuðu þjóðanna, COP26, í Skotlandi á mánudaginn. Katrín vakti mikla athygli í bláum kápukjól frá breska merkinu Eponine. 

Kjóll Katrínar er klæðskerasniðinn og tekinn saman í mittið. Kjóllinn er einskonar blanda af kápu og kjól. Flíkin er úr vor- og sumarlínu Eponine frá því í fyrra en hertogaynjan hefur ekki sést í kápukjólnum áður að því fram kemur á vef Daily Mail. Hann gæti hins vegar verið 18 mánaða gamall. Svipaðar flíkur á vef merkisins kosta í kringum 2.400 pund eða um 425 þúsund íslenskar krónur.

Blátt fer Katrínu vel. AFP

Katrín er ekki óvön að klæðast einlitum flíkum og kýs hún oft bláar flíkur. Liturinn fer sérstaklega vel við trúlofunarhring hennar sem er með bláum steini. Við bláa kjólinn var hún í dökkbláum pinnahælum frá Rupert Sanderson. 

Katrín var í dökkbláum pinnahælum við kjólinn. AFP

Katrín og Vilhjálmur í stuði. AFP

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

Fatastíllinn

Hver var í ósamstæðum sokkum á Alþingi?

• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín
• Laufey stórglæsileg á síðum Vogue

» Fleiri tengdar fréttir

• Blogga um frétt