Frumsýndi kærustuna á galakvöldi

Írski leikarinn Paul Mescal, sem sló svo eftirminnilega í gegn í þáttunum Normal People, frumsýndi nýju kærustuna á LACMA Art + Film Gala sem haldið var með pomp og prakt í Los Angeles á sunnudag. Sú heppna heitir Phoebe Bridgers og er bandarísk söngkona.

Margt var um manninn á galakvöldinu og allir mættir í sínu fínasta pússi. Verið var að heiðra þá sem hafa skarað fram úr í listaheiminum eins og til dæmis Steven Spielberg, Kehinde Wiley og Amy Sherman.

Miley Cyrus vakti til að mynda mikla athygli í hvítri buxnadragt með blómamynstri frá Balenciaga. Þá vakti Jared Leto athygli fyrir fjaðurskreyttan jakka frá Gucci og slær þar með nýjan tón í herratískunni.