Topplaus og töfrandi Billie Eilish

„Ég get ekki beðið eftir að það komist í hendurnar á þér,“ skrifaði tónlistarkonan Billie Eilish við mynd sem hún deildi á Instagram í vikunni. Átti hún við gyllt ilmvatnsglas sem hún hélt þétt upp við andlit sitt en í fyrsta skipti á ferlinum er hún að gefa út ilm í sínu nafni. 

Fleiri samskonar myndir birtust á samfélagsmiðlum ungstirnisins en þær urðu djarfari með hverri myndbirtingunni. Sat Eilish til dæmis berbrjósta fyrir en það verður að teljast nokkuð andstætt við hennar karakter. En hún er þekkt fyrir að klæðast víðum og óvenjulegum fötum.

Ilmvatnsglasið er eins og einhvers konar afsteypa af efri líkamsparti Eilish þar sem mjúkar og fagrar línur kvenlíkamans eru hafðar í forgrunni.   

Myndirnar eru hluti af auglýsingaherferð ilmvatnsins og verður ekki annað sagt en að henni hafi tekist vel til við að vekja athygli á því.

• Blogga um frétt