Hollenska drottningin Maxima mætti í afar djörfum kjól í opinberri heimsókn til Noregs og vakti mikla athygli fyrir val sitt. Um er að ræða bláan síðkjól með útklipptum gylltum hringum og svo glittir í bert hold hér og þar á líkamanum.
Kjóllinn er úr smiðju danska hönnuðarins Claes Iversens sem búsettur er í Hollandi og er þekktur fyrir djarfa en stílhreina kjóla. Þetta er ekki í fyrsta skipti sem drottningin er í kjól frá honum og ljóst að hún lætur ekki drottningartitilinn aftra sér frá því að klæðast framúrstefnulegri hönnun.