Bresku tískuverðlaunin voru afhent í Lundúnum á mánudaginn. Stjörnurnar mættu í fallegum fötum frá frægustu hönnuðum heims. Svarti liturinn er greinilega ekki í tísku og mættu fáar stjörnur í svörtum fötum. Fallegir litir og öðruvísi og jafnvel djörf snið voru meðal annars áberandi á rauða dreglinum í Royal Albert Hall.
Bandaríski fatahönnuðurinn Tommy Hilfiger og Alessandro Michele, listrænn stjórnandi hjá Gucci, voru meðal þeirra sem voru heiðraðir á verðlaunahátíðinni. Einnig var Virgil Abloh, fyrrverandi listrænn stjórnandi hjá Louis Vuitton, minnst en hann lést langt fyrir aldur fram um helgina.
Hér má sjá myndir af leikurum, fyrirsætum, tónlistarfólki og öðrum súperstjörnum í sínu fínasta pússi á rauða dreglinum í Lundúnum.