Jenna Huld Eysteinsdóttir húðlæknir á Húðlæknastöðinni svarar spurningum lesenda Smartlands. Hér fær hún spurningu frá manneskju sem glímir við exem í andliti ásamt hormónabólum. 

Sæl Jenna. 

Ég glími við exem í andliti og miklar hormónabólur. Það er ótrúlega erfitt að halda niðri í báðum kvillum á sama tíma. Um leið og ég prufaði retinol (mjög lítið og mjög varlega) varð exemið mjög slæmt. Bólurnar eru það helsta sem ég pirra mig á.
Þarf ég bara að sætta mig við bæði? Get því miður ekki hætt á hormónameðferðinni.

Kveðja, B

Jenna Huld Eysteinsdóttir húðlæknir á Húðlæknastöðinni. mbl.is

Komdu sæl.

Við könnumst vel við þetta vandamál og getur tekið tíma að finna réttu meðferðina. Þar sem retinól og retinóíðar þurrka upp húðina og minnka virkni fitukirtla getur það verið of mikið fyrir exemhúð. Og bólurnar geta líka versnað við meðhöndlun á exemhúðinni sem vantar mikinn raka og helst þá olíur. Ég myndi hverja þig til að nota salicylsýruhreinsi og væg retinól á bólusvæðin ásamt léttu „non-comedogenic“ kremi, og svo þykkara olíukenndara rakakrem á hin svæðin. Ef dugar ekki til, leita til húðlæknis þar sem þetta er ekki einfalt vandamál að eiga við.

Gangi þér vel,

Jenna Huld Eysteinsdóttir. 

Liggur þér eitthvað á hjarta? Þú getur sent Jennu Huld spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt