Katrín hertogaynja skoðaði nýja sýningu á Victoria and Albert Museum í Lundúnum í dögunum. Katrín sem slær oftast í gegn fyrir flottan fatastíl sótti innblástur nokkra áratugi aftur í tímann þegar hún valdi skyrtu fyrir heimsóknina á safnið. 

Skyrtan sem Katrín klæddist er frá bandaríska fatahönnuðinum Ralph Lauren. Skyrtan er gamaldags en tískan gengur í hringi og kostar flíkin 139 pund á heimasíðu merkisins eða um 24 þúsund krónur.

Mynstrið á skyrtunni minnir suma á áttunda áratuginn. Amma Katrínar eða jafnvel Elísabet Bretadrottning gætu þess vegna hafa átt svipaða skyrtu á sínum tíma. Katrín klæddist háum dragtarbuxum við skyrtuna rétt eins og fyrirsæta Ralph Lauren gerði þegar hún sat fyrir í skyrtunni. Katrín var einnig með belti með áberandi sylgju eins og fyrirsætan. 

Katrín var í svörtum buxum við skyrtuna og með áberandi belti. AFP

Fyrirsæta Ralph Lauren í eins skyrtu og Katrín hertogaynja klæddist á dögunum. Ljósmynd/Ralph Lauren

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt