Leikkonan Courteney Cox á þann vafasama heiður að hafa skartað einni ljótustu hárgreiðslu kvikmyndasögunnar. Cox var með hrikalega ljótan topp þegar hún lék í hrollvekjunni Scream 3 sem kom út um síðustu aldamót. 

Cox viðurkenndi í spjallþætti Drew Barrymore að toppurinn hefði verið alveg misheppnaður. „Í hverri Scream mynd reyndi ég að finna upp á nýju útliti fyrir hana sem var alveg viðbjóðslegt, ljótt eða of mikið,“ sagði Cox um útlitið á persónu sinni í Scream. Neve Campbell mótleikkona hennar minnti hana þá á toppinn. 

„Hann var verstur. Ég var búin að gleyma honum. Það var ekkert verra,“ sagði Cox og sagði toppinn vera mikinn lærdóm enda minningin um hann til staðar að eilífu í kvikmyndinni. 

Courteney Cox er með fallegt svart hár en ekki topp. AFP

Ekki var um alvöru topp að ræða heldur gervihár sem var fest á Cox. Lengdin á toppnum fer Cox ekkert sérstaklega vel en það var ekki með ráðum gert. Örstuttur toppurinn varð vegna misskilnings. Ofan á allt var bara einn toppur af gervihári. 

Tengdar fréttir

Fatastíllinn

Milla Ósk og Pattra klæddust eins kjólum

• 10 hugmyndir að sumargjöfum frá þér til þín
• Laufey stórglæsileg á síðum Vogue
• Eliza Reid keypti notaðan jakka í opinberri heimsókn
• Bjarkey á tvær eins skyrtur í sitthvorum litnum

» Fleiri tengdar fréttir

• Blogga um frétt