Brooklyn Beckham kvæntist leikkonunni Nicolu Peltz um helgina. Öllu var tjaldað til á laugardaginn og klæddist Peltz einstaklega fallegum kjól frá ítalska hátískumerkinu Valentino að því fram kemur á vef Vogue. 

Mikill íburður var yfir brúðkaupinu. Brooklyn Beckham er sonur Davids og Victoriu Beckham en Peltz kemur af ríkari ættum þar sem faðir hennar er auðkýf­ingurinn Nel­son Peltz. Ungu hjónunum hefur verið lýst sem nútímakóngafólki. 

Tengdamóðir Peltz, Victoria Beckham, er fatahönnuður og á sitt eigið merki. Brúðurin kaus þó að klæðast Valentino í brúðkaupinu. Kjóllinn var hvítur og einfaldur með hlýrum. Hann var með löngum slóða og langt rómantískt slörið var lengra en slóðinn. Peltz var með hanska í stíl við slörið. 

Hér má sjá myndir úr brúðkaupinu sem fjölskyldan hefur birt á samfélagsmiðlum en myndirnar voru einnig birtar á vef Vogue. 

Tengdar fréttir

Brúðkaup

Hvað er hægt að gefa „hressa parinu“ í brúðkaupsgjöf?

• Hannaði og smíðaði giftingarhringana og brúðarskartið sjálf
• Sigurjón og Simona gengu í það heilaga
• Páll Óskar og Edgar giftu sig í gærmorgun
• Atli og Anna Bergmann orðin hjón

» Fleiri tengdar fréttir

• Blogga um frétt