Met Gala-viðburðurinn í New York er eins og grímuball ríka og fræga fólksins. Sumum tekst einstaklega vel til á rauða dreglinum en öðrum ekki. Það er einna helst eins og sumar stjörnur séu mættar til þess að slá köttinn úr tunnunni. 

Athafnakonan Kylie Jenner var á meðal þeirra sem var verst klædd en hún mætti í hvítum kjól frá Off-White. Kjóllinn minnti á brúðarkjól og til að toppa allt var hún með derhúfu með slöri. Hugsunin var þó falleg en það var fatahönnuðurinn Virgil Abloh sem hannaði kjólinn. Abloh lést í nóvember. 

Ekki voru allir jafnhrifnir af fötunum sem fyrirsætan Emily Ratajkowski klæddist á rauða dreglinum. Fyrirsætan klæddist gömlum fötum frá Versace sem fyrirsætan Yasmeen Ghauri klæddist fyrst á tískusýningu árið 1992. Ratajkowski leit einna helst út fyrir að vera á leiðinni á kjötkveðjuhátíð eða á öskudagsball í Tónabæ. 

Hér fyrir neðan má sjá fleiri stjörnur sem hittu ekki í mark í ár