Katrín hertogaynja var í sínu allra fínasta pússi þegar hún afhenti hönnunarverðlaun í London á miðvikudaginn. Katrín var í einstaklega fallegum grænum kjól eftir kanadíska hönnuðinn Edeline Lee. 

Kjóllinn er með kvartermum og flottum böndum sem setja aukakrydd á kjólinn. Það flottasta við kjólinn er hins vegar áberandi belti sem sýnir mittislínuna vel. Hægt er að kaupa eins kjól á vefsíðu Lee og kostar kjóllinn 785 pund eða eða tæplega 130 þúsund íslenskar krónur.

Kjóllinn var flottur í sniðinu. AFP

Sylgjan á beltinu er gullituð og var Katrín því með fallega gulleyrnalokka í stíl. Hún var svo að sjálfsögðu með trúlofunarhringinn sinn.

Trúlofunarhringurinn var flottur við kjólinn. AFP

Fatahönnuðurinn Lee er fædd í Kanada en lærði í hinum virta skóla Central Saint Martins í Bretlandi og starfar í London. Henni er lýst sem rísandi stjörnu í tískuheiminum á vef Daily Mail. 

Græn föt eru smart á vorin. AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt