Billboard-tónlistarverðlaunin voru afhent á sunndaginn í Las Vegas í Bandaríkjunum. Fágun er ekki orð sem verður notað til þess að lýsa klæðnaði stjarnanna sem mættu á hátíðina. Það er kominn sumarpúki í stjörnunnar og því meira hold því betra var mottó þeirra flestra. 

Athafnakonan Kylie Jenner var ein best klædda stjarna kvöldsins en hún mætti með kærasta sínum, rapparanum Travis Scott. Það þurfti að vísu ekki mikið til til þess að vera best klædda stjarna kvöldsins. Jenner klæddist fallegum þröngum bláum kjól frá Balmain. 

Sérstaka athygli vakti bandaríska tónlistarkonan Doja Cat sem vann til fjögurra verðlauna um kvöldið. Hún klæddist kjól frá Schiaparelli úr vorlínu fyrir vorið 2022. Það óvenjulega við svarta síðkjólinn er að hann nær ekki yfir brjóstin. Hún huldi geirvörturnar með gulli en gulllitað gegnsætt tjull var yfir brjóstum hennar. Hún var síðan í einkennilegum gulllituðum tásluskóm. 

Hér fyrir neðan má sjá fleiri stjörnur í skrautlegum klæðnaði