Brúðgumar til sjávar og sveita þurfa líka að hugsa um húðina fyrir stóra daginn. Birkir Már Hafberg förðunarmeistari gefur góð ráð fyrir þá sem vilja ekki vera goslausir og líflausir þegar þeir kvænast ástinni.
Það er mikilvægt að þrífa húðina kvölds og morgna. Helst alla daga en sérstaklega í aðdraganda brúðkaups. Þessi andlitshreinsir inniheldur argan olíu og aloe vera sem róar húðina og er því fullkominn eftir rakstur.
Hvern dreymir ekki um rakakrem sem verndar húðina og gefur henni orkuskot! Kremið inniheldur koffín sem lífgar upp á húðina. Hver þarf ekki á því að halda?
Augnkrem sem minnkar ummerki þreytu og lýsir augnsvæðið kemur að góðum notum á stórum dögum eins og brúðkaupsdögum. Formúlan inniheldur níasínamíð sem hvetur til aukinnar kollagenframleiðslu á augnsvæðinu.
Gelkennd áferð og rakagefandi formúla sem endist í allt að 24 klukkustundir. Áferðin er mjög náttúruleg og því fullkomin til að hylja bólur, fela dökka bauga eða roða í húðinni.
Það er mikilvægt að velja réttan ilm fyrir stóra daginn. Bleu De Chanel-ilmurinn frá Chanel er tímalaus. Ilmurinn inniheldur bæði viðar- og arómatískar nótur með léttum sítrusferskleika.