Sonur Madonnu í Gucci-kjól

David Banda, sonur söngkonunar Madonnu, vakti athygli á dögunum þegar hann fór út með móður sinni í kjól. Mæðginin fóru saman á boxbardaga á laugardaginn í New York. Madonna birti myndir af þeim á Instagram með fyrirsögninni „fjölskyldubardagakvöld“.

Madonna veit sitthvað um tísku og er greinilega búin að kenna 16 ára syni sínum. Madonna klæddist öllu svörtu og var með mörg hálsmen, svarta leðurhanska og hvít sólgleraugu. Sonur hennar var í þröngum rauðum kjól úr Addidas x Gucci-línunni, hann var í svörtum sokkum í strigaskóm og með gyllt sólgleraugu.

Madonna er stolt af sjálfstrausti sonarins og hefur tjáð sig um það á myndum sem hún birtir á Instagram. Madonna á sex börn; Lourdes Leon, Rocco Ritchie, Mercy James, David Banda og tvíburastelpurnar Stellu og Estere.

• Blogga um frétt