Himininn, sólin og hafið eru innblástur fyrir naglalakkalínu sumarsins hjá tískuhúsinu Chanel. Litirnir eru ferskur andvari inn í haustið en í línunni má finna tvo gullfallega appelsínugula liti sem minna einna helst á fallegt sólsetur yfir Faxaflóa.
Litirnir hitta beint í mark því allir eru þeir ljósir og fallegir og setja punktinn yfir i-ið fyrir hvert tilefni.
Græna lakkið er sérlega fallegt, en liturinn er mjög ljós og minnir á hafið á suðrænum slóðum. Í línunni er líka hvítt lakk, sem er ögn gegnsætt. Það er fullkomið fyrir sólarlandaferðir haustsins, til dæmis á táneglurnar sem fá að njóta sín í sandölum.
Haustið þarf ekki að einkennast af djúpum og dökkum litum heldur er auðvelt að framlengja sumarfílinginn með þessum lökkum.