Raunveruleikastjarnan Khloé Kardashian velti því fyrir sér á dögunum hvort hún ætti að láta stækka brjóst sín. Móður hennar, umboðsmanninum Kris Jenner, leyst vel á hugmyndina og stakk upp á að þær myndu fara saman til læknis og fá sér stærri brjóst. 

Umræðan átti sér stað í nýjasta þætti fjölskyldunnar The Kardashians. Þar ræddi Kardashian um að hún væri ekki með jafn stóra brjóstaskora og systur hennar, Kim Kardashian, Kourtney Kardashian og Kylie jennar. 

„Ég er að hugsa um að fara í brjóstaaðgerð. Æ, þetta er bara eitthvað sem ég er alltaf að hugsa,“ sagði Kardashian áður en móðir hennar greip fram í fyrir henni og sagði: „Ó, förum í það saman“.

Kardashian var þá í heimsókn hjá Jenner, sem var nýkomin úr aðgerð á mjöðminni. 

„Er það skrítið fyrir mæðgur að fara saman í brjóstaaðgerð?“ spurði Jenner. „Ég veit ekki lengur hvað er skrítið,“ svaraði Kardashian sem svo ræddi nánar um brjóst sín. 

„Ég er núna í latex toppi, með smá fyllingu, þannig þau líta vel út núna og ég vildi óska þess að þau litu alltaf svona. Ég vil bara meiri fyllingu. Eins og þegar ég er í sundfötum, ég er ekki með neitt, þú veist, skoru. Eins og allar systur mínar, þær eru allar með, almennilega skoru,“ sagði Kardashian og andvarpaði.

Kardashian hefur áður farið í lýta- og fegrunaraðgerðir en hún hefur til dæmis látið breyta nefi sínu. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

Fegrunaraðgerðir

Bótox-sprautur bæta ekki sálarháska fólks

• „Ég vil ekki sofa hjá neinum“
• Neitar því að hafa farið í fegrunaraðgerðir
• Sér eftir fyllingarefnum sem hún fékk sér ung
• Gyða lét fjarlægja brjóstapúðana og öðlaðist nýtt líf

» Fleiri tengdar fréttir

• Blogga um frétt