Það var ekki bara bleiki liturinn sem var í tísku á árinu 2022. Fjólublái liturinn var einnig heitur og var Ragnhildur Steinunn Jónsdóttir fjölmiðlakona meðvituð um það eins og stjörnurnar í Hollywood.
Ragnhildur Steinunn mætti í einstaklega fallegri fjólublárri buxnadragt í Þjóðleikhúsið á annan í jólum. Jakkinn var tekin saman í mittið með borða. Dragtin var úr glansandi fínu efni og þar með afar hátíðleg en hefð er fyrir því að fólk mæti í sínu fínasta pússi á jólafrumsýningu Þjóðleikhússins.
Fjólublái liturinn er í mörgum litatónum alveg frá dökkfjólubláatóninum sem Ragnhildur Steinunn klæddist yfir í næstum því bleiktóna. Það skemmtilega er að öll fjólubláapallettan er í tísku eins og sjá má hér að neðan og nú er bara að velja!