Raunveruleikastjarnan Kim Kardashian lætur sitt ekki eftir liggja þegar kemur að því að fylgja helstu tískustraumum á samfélagsmiðlinum TikTok. Nú á dögunum birti hún, á sameiginlegum reikningi sínum og dóttur sinnar, myndband af sér mála sig eins og bresk „skinka“.
Trendið hefur verið vinsælt um nokkurt skeið en það felur í sér að nota heldur dökkan farða, lita augabrúnirnar kolsvartar, setja áberandi ljósan hyljara undir augun og skyggja kinnbeinin harkalega.
Kardashian, sem sjálf kom því í tísku að skyggja andlitið listilega með snyrtivörum, er nær óþekkjanleg sem bresk „skinka“.