Jenna Huld Eysteinsdóttir húðlæknir hjá Húðlæknastöðinni svarar spurningum lesenda Smartlands. Hér fær hún spurningu frá lesenda sem er að velta fyrir sér sólarvörnum. 

Frétt af mbl.is

Sólbruni það versta fyrir húðina

Hæ! 

Getur maður fengið ofnæmi gegn sólarvörnum? 

Kveðja, 

G

Ljósmynd/Unsplash

Sæl G. 

Já, maður getur það. Það eru viss innihaldsefni í sólarvörnum sem fólk getur fengið ofnæmi fyrir. Algengast er að það sé gegn ilmefnum eða rotvarnarefnum sem eru í sólarvörninni en getur líka verið gegn virku efnunum sjálfum. Mæli með því að velja ekki sólarvarnir sem innihalda mikið af ilmefnum, það er að segja sem eru með mikla lykt. Sólarvarnir skiptast í meginþáttum í tvennt, annars vegar steinefna sólarvarnir (mineral sunscreen) eða efna/kemískar sólarvarnir (chemical sunscreen).

Oft eru þær svo blandaðar, það er að segja bæði með steinefna vörn og kemíska vörn. Algengustu virkuefnin í kemískum sólarvörnum eru methoxycinnamate, benzophenone-2, benzophenone-3 (oxybenzone), og er ofnæmi gegn þessum efnum sjaldgæft en fyrir finnst. Zink og titaniumdioxide, sem eru virku efnin í steinefnasólarvörnum, vekja verulega sjaldan upp einhver snertiofnæmisviðbrögð og eru þá góður kostur fyrir þá sem eru með ofnæmi fyrir benzoneinnihaldsefnunum.  

Til að komast að því hvort þú sért með ofnæmi fyrir einhverri vissri sólarvörn þá er hægt að gera ofnæmispróf hjá húðlæknum.

Kær kveðja,

Jenna Huld Eysteinsdóttir húðlæknir

Liggur þér eitthvað á hjarta? Þú getur sent Jennu Huld spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt